ನವದೆಹಲಿ : ಬಜೆಟ್‌ನಲ್ಲಿ ಭಾರತೀಯ ಸೇನೆಗೆ ಸಿಕ್ಕಿರೋ ಪಾಲು ನೋಡಿದ್ರೆ ಎಂಥವರಿಗೂ ರೋಮಾಂಚನ ಆಗುತ್ತೆ. ರಕ್ಷಣಾ ಸಚಿವಾಲಯಕ್ಕೆ ಬರೋಬ್ಬರಿ 7.8 ಲಕ್ಷ ಕೋಟಿ ರೂಪಾಯಿ ಮೀಸಲಿಡಲಾಗಿದೆ. ಇದ್ರಲ್ಲಿ ಕುತೂಹಲಕಾರಿ ವಿಷಯ ಏನಂದ್ರೆ, ನಮ್ಮ ಪಾಕಿಸ್ತಾನದ ಒಟ್ಟು ಬಜೆಟ್‌ಗಿಂತ ನಮ್ಮ ಡಿಫೆನ್ಸ್ ಬಜೆಟ್ ಜಾಸ್ತಿ ಇದೆ. ಪಾಕಿಸ್ತಾನದ 2025-26ರ ಒಟ್ಟು ಬಜೆಟ್ ಸುಮಾರು 17.6 ಟ್ರಿಲಿಯನ್ ಪಾಕಿಸ್ತಾನಿ ರೂಪಾಯಿ. ಅದನ್ನ ನಮ್ಮ ಇಂಡಿಯನ್ ರೂಪಾಯಿಗೆ ಕನ್ವರ್ಟ್ ಮಾಡಿದ್ರೆ ಸರಿಸುಮಾರು 5.3 ಲಕ್ಷ ಕೋಟಿ ಆಗುತ್ತೆ. ಆದ್ರೆ ನಮ್ಮ ರಕ್ಷಣಾ ಇಲಾಖೆಗೆ ಸಿಕ್ಕಿರೋದು 7.8 ಲಕ್ಷ ಕೋಟಿ! ಅಂದ್ರೆ, ಅವರು ಇಡೀ ದೇಶಕ್ಕೆ ಖರ್ಚು ಮಾಡೋದಕ್ಕಿಂತ ಹೆಚ್ಚು ದುಡ್ಡನ್ನ ನಾವು ಬರೀ ನಮ್ಮ ಗಡಿ ಕಾಯೋಕೆ ಬಳಸ್ತಿದ್ದೀವಿ ಎಂದು ಆರ್ಥಿಕ ತಜ್ಞರೊಬ್ಬರು ತಿಳಿಸಿದ್ದಾರೆ.

ಫ್ರಾನ್ಸ್‌ನಿಂದ 26 ರಫೇಲ್-ಎಂ (Rafale-M) ಫೈಟರ್ ಜೆಟ್‌ಗಳನ್ನ ನೌಕಾಪಡೆಗೆ ಸೇರಿಸಿಕೊಳ್ಳಲಾಗ್ತಿದೆ. ಇದರ ಜೊತೆಗೆ, ನೀರಿನ ಆಳದಲ್ಲೇ ಶತ್ರುಗಳನ್ನ ಹೊಡೆದುರುಳಿಸೋಕೆ ಪ್ರಾಜೆಕ್ಟ್-75I ಅಡಿಯಲ್ಲಿ ಹೊಸ ಸಬ್‌ಮರೀನ್‌ಗಳನ್ನ ತಯಾರು ಮಾಡೋಕೆ ತಯಾರಿ ನಡೆದಿದೆ. ಅಮೆರಿಕದಿಂದ ಎಂಕ್ಯೂ-9ಬಿ ಪ್ರಿಡೇಟರ್ ಡ್ರೋನ್‌ಗಳನ್ನ ತರಿಸಿಕೊಳ್ಳೋ ಪ್ಲಾನ್ ಇದೆ. ಇವು ಆಕಾಶದಲ್ಲೇ ಇದ್ದು ಶತ್ರುಗಳ ಅಡಗುತಾಣಗಳನ್ನ ಪುಡಿಪುಡಿ ಮಾಡಬಲ್ಲವು. ಜೊತೆಗೆ ನಮ್ಮದೇ ದೇಶದ ತೇಜಸ್ ಮಾರ್ಕ್-1ಎ (Tejas Mk1A) ಯುದ್ಧ ವಿಮಾನಗಳ ಎಂಜಿನ್ ಮತ್ತು ತಯಾರಿಕೆಗೆ ಹೆಚ್ಚು ಒತ್ತು ನೀಡಲಾಗಿದೆ.

ಚೀನಾ ಮತ್ತು ಪಾಕಿಸ್ತಾನ ಗಡಿಯಲ್ಲಿ ಹಗಲು ರಾತ್ರಿ ಕಾಯೋ ನಮ್ಮ ಯೋಧರಿಗೆ ಚಳಿ, ಮಳೆ ತಡೆಯೋಕೆ ಮತ್ತು ಕತ್ತಲಲ್ಲೂ ನೋಡೋಕೆ ಆಗೋ ಹೈಟೆಕ್ ಸಾಧನಗಳನ್ನ (Surveillance Gear) ಕೊಡಿಸಲು ಈ ಬಜೆಟ್‌ನಲ್ಲಿ ದುಡ್ಡು ಮೀಸಲಿಡಲಾಗಿದೆ. 'ಆತ್ಮನಿರ್ಭರ ಭಾರತ' (Atmanirbhar Bharat) ಅಡಿಯಲ್ಲಿ ನಮ್ಮಲ್ಲೇ ಗನ್, ಟ್ಯಾಂಕ್, ಮಿಸೈಲ್ ರೆಡಿ ಆಗ್ತಿದೆ. ಬರೀ ನಮಗೆ ಅಷ್ಟೇ ಅಲ್ಲ, ಫಿಲಿಪೈನ್ಸ್ ಮತ್ತು ಅರ್ಮೇನಿಯಾದಂತ ದೇಶಗಳಿಗೆ ನಾವು ಬ್ರಹ್ಮೋಸ್ ಕ್ಷಿಪಣಿ (BrahMos Missiles) ಮತ್ತು ಪಿನಾಕ ರಾಕೆಟ್ಗಳನ್ನ ಮಾರಿ ದುಡ್ಡು ಮಾಡ್ತಿದ್ದೀವಿ! ಡಿಫೆನ್ಸ್ ರಫ್ತು (Exports) ಕೂಡ ಜೋರಾಗಿದೆ. ಚೀನಾದ ಗಡಿಯಲ್ಲಿ ನಮ್ಮ ಸೈನಿಕರು ಮತ್ತು ಟ್ಯಾಂಕ್‌ಗಳು ವೇಗವಾಗಿ ಚಲಿಸಲು ಬಾರ್ಡರ್ ರೋಡ್ಸ್ ಆರ್ಗನೈಸೇಶನ್‌ಗೆ (BRO) ಭಾರಿ ಅನುದಾನ ದೊರೆತಿದೆ. ಹಿಮಾಲಯದ ತೀವ್ರ ಚಳಿಯಲ್ಲೂ ರಸ್ತೆ ಮತ್ತು ಸುರಂಗಗಳನ್ನು ನಿರ್ಮಿಸಿ ಶತ್ರುಗಳ ಎದೆಯಲ್ಲಿ ಭಯ ಹುಟ್ಟಿಸುವತ್ತ ಭಾರತ ಈಗ ಸಂಪೂರ್ಣ ಸಿದ್ಧವಾಗಿದೆ ಎಂದರು.